Eisteddfod Genedlaethol Maldwyn Meirionnydd fydd yr enw swyddogol y Brifwyl yn 2027.

Mae trefnwyr yr ŵyl wedi dewis enw yn dilyn cystadleuaeth, a derbyniwyd dros 250 o geisiadau.

Bydd De Meirionydd yn rhan o ardal y Brifwyl, gyda'r lleoliad wedi ei gadarnhau ar gyfer gogledd Powys.

Mae'r enw buddugol wedi'i ddewis o restr fer derfynol gan y Pwyllgor Gwaith, sy'n dweud ei fod "yn syml ac yn disgrifio rhan helaeth o’r dalgylch".

Dyweddod Heulwen Davies, is-gadeirydd Strategol y Pwyllor Gwaith: "Rydyn ni’n edrych ymlaen at groesawu pawb i Eisteddfod Genedlaethol Maldwyn Meirionnydd y flwyddyn nesaf!"

"’Doedd dewis enw ar gyfer yr ŵyl ddim yn hawdd, ac rydyn ni’n ddiolchgar i bawb am eu holl awgrymiadau. Roedd ‘na rai enwau hynod o greadigol, ond doedden nhw ddim yn gweithio fel enw i’r ŵyl, ac eraill yn hyfryd ond yn rhy blwyfol, a ddim yn adlewyrchu’r dalgylch."

"Felly, ar ôl cryn drafod, cytunwyd ar Eisteddfod Maldwyn Meirionnydd, yn y gobaith y bydd pawb yn gwybod yn syth ble mae’r Eisteddfod am gael ei chynnal y flwyddyn nesaf! Diolch i bawb am ymgeisio, a llongyfarchiadau mawr i’r enillwyr."

Cafodd yr enw buddugol ei gynnig gan ddau berson, Arwel Jones a Nest Evans, a bydd y ddau’n ennill tocyn wythnos i Faes Eisteddfod y flwyddyn nesaf.