Mae dyn 29 oed o Fae Cemaes wedi cael ei garcharu am werthu cocên.
Mi gyflawnodd yr heddlu warant yng nghartref Jordan Jones ychydig cyn y Nadolig, lle mi ganfu swm sylweddol o gocên ac arian parod.
Mi chwiliwyd ei gar hefyd, ac mi ganfuwyd ychwaneg o gyffuriau, arian parod ac arfau.
Pleidiodd Jones, o Stad Cae Rhun, yn euog i fod yn meddu gyda’r bwriad i gyflenwi cyffuriau Dosbarth A, meddu eiddo troseddol a meddu arf ymosodol mewn lle preifat.
Yn Llys y Goron Caernarfon ddydd Mercher, cafodd ei ddedfrydu i ddwy flynedd a deg mis yn y carchar.
Mi gafodd yr arian parod ei atafaelu fel rhan o orchymyn fforffedu a dinistrio a bydd yn cael ei ddefnyddio gan Heddlu Gogledd Cymru.
Dyweddod Cwnstabl Jamie McDaid: "Does dim croeso ar Ynys Môn i unigolion sy’n ceisio gwneud arian ar draul pobl fregus."
"Mae cyflenwi cyffuriau anghyfreithlon yn hyrwyddo trais, ymddygiad gwrthgymdeithasol a throseddoldeb ehangach. Mae’n cael effaith ddinistriol ar unigolion, teuluoedd a chymdogaethau."
"Ni wnawn ni oddef gwerthu cyffuriau, ac mae dedfryd Jones yn rhybudd ein bod ni’n ymchwilio’n drylwyr ac yn erlid y bobl hynny sy’n gysylltiedig."
Bangor: carcharu gwerthwr cyffuriau am dair blynedd
Foden wedi ‘rhwystro’ ymchwiliad yn erbyn athro arall
Carcharu dyn o Amwlch ar ôl darganfod cyffuriau
Bangor: cau pont droed wedi tân bwriadol
Pentraeth: dyn wedi marw mewn gwrthdrawiad
