Mae dyn o Wynedd a boerodd at swyddogion heddlu wedi cael ei garcharu am chwe mis.
Poerodd Dylan Parry Jones ar gwnstabl a throethi'n fwriadol y tu mewn i gerbyd heddlu yn dilyn ei arestio ddydd Llun. Yna achosodd ddifrod i gell tra oedd yn y ddalfa.
Yn Llys Ynadon Llandudno, plediodd Jones, 30 oed ac heb gyfeiriad parhaol, yn euog i ymosod ar gwnstabl wrth iddo gyflawni ei ddyletswyddau, a dau gyhuddiad o ddifrod troseddol yn dilyn ei arestio ddydd Llun.
O ganlyniad, gweithredwyd dedfryd ohiriedig a osodwyd arno am droseddau blaenorol ac fe'i dedfrydwyd i 30 wythnos yn y carchar.
Dyweddod Arolygydd Ardal Iwan Jones o Heddlu Gogledd Cymru: "Mae unrhyw gamdriniaeth at weithwyr y gwasanaethau brys yn gwbl annerbyniol ac ni fydd yn cael ei goddef."
"Mae ein swyddogion yn dod i’r gwaith i gadw’r cyhoedd yn ddiogel, ac maent yn haeddu cyflawni eu dyletswyddau heb gael eu hymosod."
"Byddwn yn parhau i gymryd camau cadarn yn erbyn unrhyw un sy’n bygwth diogelwch ein swyddogion neu’r gymuned ehangach."
Carcharu dyn ar ôl dod o hyd i gocên mewn car
Ymosodiad ar famog ym Mhenrhos Feilw
Ymchwiliadau’n parhau yn dilyn marwolaeth baban
Cyhoeddi cau ffyrdd Ffair Borth
Ailddechrau hediadau Hawk yn dilyn damwain hyfforddi
