Mae'r heddlu wedi atafaelu mwy nag £82,000 o enillion troseddol oddi wrth werthwr cyffuriau.
Cafodd Arthur Hughes, 75 oed, ei garcharu ym mis Mehefin am feddu ar heroin gyda'r bwriad o'i gyflenwi a dau gyhuddiad o feddu ar eiddo troseddol.
Mae Hughes, cyn-adeiladwr o Rachub ger Bethesda, yn gwasanaethu dedfryd o dair blynedd a dau fis yn y carchar.
Yn Llys y Goron Caernarfon ddydd Llun, amcangyfrifwyd bod yr elw o’i weithgarwch troseddol yn fwy na £151,730.
Atafaelodd Heddlu Gogledd Cymru arian parod ac asedau troseddol gwerth £82,401, a gorchmynnwyd eu fforffedu o dan Ddeddf Enillion Troseddau (POCA).
Gorchmynnwyd hefyd i’r cyffuriau a’r offer cysylltiedig a gafwyd yn ystod gweithredu’r warant yn ei gartref gael eu dinistrio.
Yn dilyn y gwrandawiad, dywedodd PC Jacob Swift: “Rydym yn parhau i fynd ar drywydd y rhai sy’n ceisio gwneud elw o werthu cyffuriau, a byddwn yn defnyddio pob dull sydd ar gael inni i amddifadu troseddwyr o unrhyw asedau y maent wedi’u hennill o ganlyniad i’w gweithgarwch.”
Carcharu dyn ar ôl dod o hyd i gocên mewn car
Ymosodiad ar famog ym Mhenrhos Feilw
Ymchwiliadau’n parhau yn dilyn marwolaeth baban
Carcharu dyn am boeri ar swyddogion heddlu
Cyhoeddi cau ffyrdd Ffair Borth
