Mae dyn o Gaernarfon wedi ei garcharu am dreisio merch 15 oed ddegawd yn ôl.
Plediodd Kyle Parry, 29 oed, yn euog i dreisio ac ymosod rhywiol trwy dreiddiad yn ei gartref yn 2015.
Mi gafodd Parry, sy'n byw yn Huddersfield, oedd efo euogfarnau blaenorol am ymosod yn rhywiol ar fachgen pump oed yn 2017, ddedfryd o wyth mlynedd a naw mis yn y carchar am y troseddau hanesyddol.
Dywedodd Ditectif Gwnstabl Dominique Swift o Heddlu Gogledd Cymru: "Mi hoffwn i ganmol dewrder y dioddefwr yn yr achos hwn, ac am ymddiried ynddo ni ac am siarad efo ni."
"Mi ddangosodd hi ddewrder rhyfeddol yn y llys heddiw, ac mi ddewisodd hi ddarllen ei datganiad personol dioddefwr yn uniongyrchol i’r dyn oedd wedi ymosod arni hi."
"Mae hyn yn neges i bobl eraill sydd efallai’n dioddef mewn distawrwydd. Mi wnawn ni wrando. Mi wnawn ni bob dim allwn ni er mwyn dod â’r rhai sy’n peri niwed rhywiol o flaen eu gwell. ‘Da ni yma er mwyn eich cynorthwyo chi."
Dwy ddynes wedi marw yn Nant Gwynant
Trawsnewid hen safle tirlenwi yn hwb bioamrywiaeth
Carchar i ddyn o Gaergybi a dorrodd gorchymyn atal
Dim Gŵyl Fwyd Caernarfon yn 2026
Menter diogelwch dŵr yn dychwelyd
