Mae dyn 28 oed wedi ymddangos yn y llys wedi'i gyhuddo o fod â dryll ffug yn ei feddiant yng Nghaernarfon.
Cafodd pump o bobl eu harestio yn dilyn digwyddiad trefn gyhoeddus yn ardal Lon y Bryn nos Sul.
Mae Mark Griffiths, 28 oed, o Lon Helen, Caernarfon, wedi cael ei gyhuddo o fod â dryll tanio yn ei feddiant gyda'r bwriad o achosi trais.
Yn llys ynadon Caernarfon, cafodd Griffiths ei gadw yn y ddalfa tan dydd Llun 21 Hydref, pan fydd yn ymddangos cyn barnwr yn Llys y Goron yn y dref.
Dywedodd llefarydd ar ran Heddlu Gogledd Cymru: "Bydd presenoldeb heddlu cynyddol yn yr ardal (Lon y Bryn) at ddibenion tawelu meddwl."
Dyn o Fae Cemaes yn cyfaddef delio cyffuriau
Carcharu dyn am ymddygiad rheolaethol
Ymestyn gorchymyn diogelu ym Mangor
Mwy o arian i ailwampio Ysgol Tryfan
Carcharu dyn o Lanystumdwy am stelcio
