Mae cyllid wedi'i sicrhau i wella rhwydweithiau teledu cylch cyfyng (TCC) mewn tair tref yng Ngwynedd.

Bydd £456,000 yn cael ei wario ar fwy o gamerâu a meddalwedd recordio newydd ym Mangor, Caernarfon a Phwllheli, yn enwedig mewn ardaloedd sy'n peri pryder.

Bydd grant Llywodraeth y DU yn cael ei ddefnyddio gan Gyngor Gwynedd i wella diogelwch ac isadeiledd.

Cefnogwyd y cais i'r Gronfa Ffyniant Cyffredin am TCC gan Heddlu Gogledd Cymru

Dyweddod y Prif Arolygydd Stephen Pawson: "Rydym yn parhau i weithio gydag asiantaethau partner i wneud Gwynedd yn ddiogel i bawb sy’n byw, yn gweithio ac yn ymweld."

"Bydd teledu cylch cyfyng ychwanegol yn atal ac yn canfod troseddau ac ymddygiad gwrthgymdeithasol yn ogystal â rhoi tawelwch meddwl i’n cymunedau."

Mae'r gwaith yn rhan o rhaglen adfywio canol trefi gan y cyngor sir sy’n anelu at greu amgylcheddau trefol sy’n denu buddsoddiad, meithrin balchder cymunedol, ac annog bwrlwm economaidd.

Yn ogystal ag ychwanegu camerâu newydd, bydd y feddalwedd sy’n recordio yn cael ei huwchraddio i wella mynediad, gweithrediad ac effeithlonrwydd.

Yn ôl y cyngor, disgwylir i'r gwelliannau arwain at lleihad mewn troseddau cymdogaeth a ganfyddiad uwch o ddiogelwch ymhlith trigolion ac ymwelwyr.

Ychwanegodd y Cynghorydd June Jones, aelod y cabinet dros priffrydd a periianneg: "Mae Gwynedd yn ardal groesawgar a diogel gyda chyfradd droseddu sydd ar y cyfan yn gymharol isel."

"Rydym wedi ymrwymo i gadw ein hardaloedd yn ddiogel, felly bydd cael y camerâu hyn, ynghyd â'n partneriaeth cryf gyda Heddlu Gogledd Cymru, yn ein helpu i atal troseddu ac ymddygiad gwrthgymdeithasol i’r dyfodol."