Mae dynes wedi marw yn dilyn gwrthdrawiad ar yr A5 ger Caergybi.
Fe ddigwyddodd y gwrthdrawiad un cerbyd yn Y Cob rhwng 11yh nos Sadwrn a 12.14 bore Sul.
Cafodd y ddynes ei chludo gan y gwasanaethau brys i'r ysbyty, lle bu farw.
Mae ei pherthnasau agosaf wedi cael gwybod.
Dwyeddod y Rhingyll Leigh McCann o'r Uned Troseddau ar y Ffyrdd yn Heddlu Gogledd Cymru: "Rwy'n annog unrhyw un a allai fod wedi bod yn yr ardal ar y pryd, unrhyw un a welodd y gwrthdrawiad, neu unrhyw un a welodd Citroen C3 du yn cael ei yrru yn yr ardal rhwng yr amseroedd hyn, i gysylltu â ni."
"Rwyf hefyd yn gofyn i unrhyw un sydd â theledu cylch cyfyng neu gamera dashfwrdd i gysylltu. Mae ein meddyliau gyda theulu'r ddynes ar yr adeg anodd iawn yma."
Os oes gennych unrhyw wybodaeth am y gwrthdrawiad, cysylltwch â Heddlu Gogledd Cymru ar 101 neu drwy'r sgwrs we fyw, gan ddyfynnu rhif cyfeirnod C080296.
Dwy ddynes wedi marw yn Nant Gwynant
Trawsnewid hen safle tirlenwi yn hwb bioamrywiaeth
Carchar i ddyn o Gaergybi a dorrodd gorchymyn atal
Carchar i ddyn am dreisio merch yn ei harddegau
Dim Gŵyl Fwyd Caernarfon yn 2026
