Mae dau ddyn wedi cael eu harestio yn dilyn darganfod arfau ym Mhorthaethwy.
Cafodd yr heddlu eu galw i Ffordd Tysilio tua 9yb bore Gwener yn dilyn adroddiadau am weld arfau yn yr ardal.
Mae'r dynion lleol, 21 a 30 oed, wedi'i arestio ar amheuaeth o feddu.
Yn ôl Heddlu Gogledd Cymru, mae nifer o arfau wedi cael eu hadfer ac mae chwiliadau'n parhau.
Dywedodd yr Uwcharolygydd Arwel Hughes: "Mae dau ddyn yn parhau yn y ddalfa tra bod ein hymholiadau'n parhau.
"Dwi'n ddiolchgar i bobl leol am eu cefnogaeth a'u hamynedd y bore yma.
"Ni fyddwn yn goddef ymddygiad treisgar a byddwn yn mynd ar ôl yr unigolion hynny sy'n ceisio achosi dioddefaint i bobl eraill a'n cymunedau.
"Bydd presenoldeb yr heddlu yn parhau tra byddwn yn cynnal ein hymchwiliadau.
"Bydd rhagor o waith plismona yn cael ei gynllunio yn yr ardal yn y dyfodol, a byddwn yn annog unrhyw un sydd â phryderon am eu hardal leol i gysylltu â ni."
Os oes gennych chi unrhyw wybodaeth, cysylltwch â Heddlu Gogledd Cymru ar 101 neu drwy'r sgwrs we fyw, neu Crimestoppers yn ddienw ar 0800 555 111.
Dwy ddynes wedi marw yn Nant Gwynant
Trawsnewid hen safle tirlenwi yn hwb bioamrywiaeth
Carchar i ddyn o Gaergybi a dorrodd gorchymyn atal
Carchar i ddyn am dreisio merch yn ei harddegau
Dim Gŵyl Fwyd Caernarfon yn 2026
