Porthaethwy: dyn yn pledio'n euog i ddelio cyffuriau

Monday, 15 December 2025 17:01

By Ystafell Newyddion MônFM

Mae dyn 30 oed wedi pledio'n euog i ddelio cyffuriau yn dilyn cyrch ym Mhorthaethwy.

Cafodd Aaron Maher ei aretio a'i gyhuddo o fod yn ymwneud hefo cyflenwi cocên a chanabis, yn dilyn gwarant ddydd Iau diwethaf.

Yn Llys Ynadon Llandudno, pleidiodd Maher yn euog a chafodd ei gadw yn y ddalfa dros wyliau'r Nadolig.

Bydd yn cael ei ddedfrydu yn Llys y Goron Caernarfon ddydd Gwener 9 Ionawr.

Dywedodd Rhingyll Dylan Thomas o Heddlu Gogledd Cymru: "Byddwn yn parhau targedu gwerthu cyffuriau yng nghymunedau Ynys Môn gan y rhai sy'n ceisio achosi niwed i rai o'n trigolion mwyaf bregus ni."

"Dwi'n rhoi sicrwydd i aelodau'r gymuned ein bod ni'n gwrando ar eich pryderon chi ac y byddwn ni'n gweithredu'n gyflym i wneud Ynys Môn yn lle saff i fyw, gweithio ac ymweld."

"Fe wnaethon ni gydweithio hefo cydweithwyr o Heddlu Glannau Mersi ar y warant hon a diolch iddyn nhw am eu help parhaus."

Yr wythnos diwethaf, cyhuddwyd chwe ddyn yn dilyn cyfres o gyrchoedd yng Ngogledd Orllewin Cymru a Gogledd Orllewin Lloegr, fel rhan o ymchwiliad i gyflenwad cocên a chanabis.