Mae'r ymgeiswyr yn cael eu cadarnhau ar gyfer etholiadau'r Senedd 2026 yn etholaeth newydd Bangor Conwy Môn.
Hyd yn hyn, mae dwy blaid - Llafur a Phlaid Cymru - wedi cadarnhau eu rhestrau o ymgeiswyr yn yr etholaeth uwch newydd.
Mae Bangor Conwy Ynys Môn wedi'i ffurfio o etholaethau presennol Ynys Môn ac Aberconwy a rhannau o ardaloedd Arfon a Gorllewin Clwyd.
Mae'r ardal yn cael ei chynrychioli gan ddau AS ar wahân yn San Steffan - yn etholaethau Ynys Môn a Bangor Aberconwy.
Bydd gan Gymru 16 o etholaethau newydd yn lle 40 fel rhan o ddiwygiadau eang a bydd gan bob etholaeth newydd chwe aelod, sy’n golygu y bydd cyfanswm o 96 aelod yn cael eu hethol i’r Senedd.
Mae'r pedwar rhanbarth etholiadol yn cael eu diddymu, gan gynnwys Gogledd Cymru.
Hefyd, bydd y ffordd y byddwch chi’n pleidleisio yn newid. Enw’r system bleidleisio newydd yw’r 'system rhestr gyfrannol gaeedig'. Mae hyn yn golygu eich bod chi’n pleidleisio dros blaid wleidyddol neu ymgeisydd annibynnol, yn hytrach na phobl unigol.
Byddwn yn dod â'r rhestr lawn o ymgeiswyr o bob plaid i chi pan fyddant wedi'u cadarnhau.
Bangor Conwy Môn
Llafur Cymru
- Joanna Stallard
- Emily Owen
- Margaret Lewis
- Rebecca Gibbons
- Huw Vaughan Jones
- Natasha Jose
Plaid Cymru
- Rhun ap Iorwerth
- Mair Rowlands
- Elfed Williams
- Dyfed Jones
- Nia Clwyd Owen
- Vivek Thuppil
Môn Actif yn canmol blwyddyn lwyddiannus
Cyllid i wella teledu cylch cyfyng yn nhrefi Gwynedd
Senedd 2026: ymgeiswyr Gwynedd Maldwyn
Gwaith rhagarweiniol ar Bont Menai
Marwolaeth yn y ddalfa: dim camgymeriad heddlu
