Mae dyn wedi cael ei arestio ar amheuaeth o affräe yn dilyn aflonyddwch ar stad yng Nghaernarfon.
Cafodd yr heddlu eu galw i'r digwyddiad trefn gyhoeddus yn ardal Maes Hyfryd tua 2.30yp prynhawn dydd Mawrth.
Mae’r sawl sydd dan amheuaeth yn parhau yn nalfa’r heddlu. Cafodd ei arestio hefyd ar amheuaeth o fod ag erthygl llafnog yn ei feddiant.
Mae ditectifs yn apelio ar unrhyw dystion i ddod ymlaen.
Dywedodd y swyddog ymchwilio, PC Fflur Hughes: "Mi hoffwn i siarad efo unrhyw un oedd yn cerdded neu’n gyrru, a welodd y digwyddiad o bosib, i ddod atom ni."
Os oes gennych unrhyw wybodaeth am yr aflonyddwch, cysylltwch â Heddlu Gogledd Cymru ar 101 neu drwy'r sgwrs we fyw, gan ddefnyddio’r rhif cyfeirnod 24000880779.
Bodorgan: apêl ar ôl ymosodiad ar ddefaid
Targedu fandaliaeth yn Chwarel Dinorwig
Llofruddiaeth Doreen Morris: arestio pedwar
Glynllifon: arestio dau dyn ar ôl canfod canabis
A55: dyn yn cyfaddef gyrru yn y ffordd anghywir
