Mae tri o bobl wedi cael eu harestio yn dilyn gyrchoedd cyffuriau yn ardaloedd Caergybi a'r Dyffryn.
Mi gynhaliodd yr heddlu bedair gwarant mewn eiddo ar ddydd Iau o ganlyniad i ymwchwiliad rhagweithiol a chasglu cudd-wybodaeth gan swyddogion cymdogaeth.
Mi atafaelwyd yr hyn a amheuir o fod yn gocên a chanabis.
Cafodd tri o bobl eu holi mewn cysylltiad â chyflenwi cyffuriau ac maen nhw wedi cael eu rhyddhau dan ymchwiliad tra bod ymchwiliadau'n parhau.
Dywedodd Cwnstabl Andrew Jones o Heddlu Gogledd Cymru: "Mi ddaw'r canlyniadau hyn ar ôl pryderon cymunedol ynglŷn â chyflenwad cocên a chetamin yn yr ardal."
"Does dim ots gan y bobl sy'n dod â chyffuriau i'n cymunedau ni ynglŷn â'r poen a'r gofid maen nhw'n eu hachosi. Dydyn nhw ond yn poeni ynglŷn â'r elw mawr gallen nhw ei gael drwy gam-fanteisio pobl fregus."
"'Da ni'n diolch i aelodau'r cyhoedd am eu help a'u gwybodaeth barhaus, sy'n ein helpu ni dynnu cyffuriau oddi ar strydoedd Ynys Môn."
"'Da ni'n annog y cyhoedd i gyflwyno unrhyw bryderon ynglŷn â chyflenwi cyffuriau yn eu cymuned nhw, ac mi wnawn ni ymchwilio'r wybodaeth 'da ni'n ei dderbyn yn drwyadl."
Gwobr fawr i gynllun tai solar
Tân cerbyd ym Mynydd Mechell
Cadwraethwr paentiadau i draddodi darlith Syr Kyffin
Bangor: cyhuddo dyn o drais domestig
Caernarfon: apêl i adeiladu eisteddle Wyn Davies
