Mae cwest wedi agor i farwolaeth arbenigwr fforensig mewn gwrthdrawiad rhwng dau gerbyd.
Bu farw Mark Handford mewn gwrthdrawiad rhwng beic modur a char ar yr A5025 ym Murwen ger Amlwch ar 27 Mehefin.
Roedd y dyn 58 oed o Llangoed yn gweithio i Heddlu Gogledd Cymru fel casglwr tystiolaeth.
Yn ôl crwner Gogledd Orllewin Cymru, Kate Robertson, cafodd nifer o anafiadau yn y gwrthdrawiad.
Cafodd y cwest ei ohirio wrth i ymchwiliadau'r heddlu barhau.
---
Hefyd ddydd Mercher, agorwyd cwest i farwolaeth hyfforddwr rygbi mewn damwain beic modur ger Beddgelert.
Roedd Philip Doyle o Wexford yn gyn-brif hyfforddwr gyda thimau merched Iwerddon a'r Alban, a enillodd bencampwriaeth y Chwe Gwlad gydag Iwerddon yn 2013.
Bu farw y dyn 61 oed mewn gwrthdrawiad yn ymwneud â beic modur BMW GS rhwng Nantmor a Nant Gwynant ar 25 Mehefin.
Mae ymchwiliadau pellach yn parhau ac mae'r gwrandawiad wedi'i ohirio.
Gostyngiad mawr mewn pobl ifanc 'Neet'
Carcharu dyn am dreisio dynes tra roedd hi'n cysgu
Gwobr genedlaethol am fenter realiti rhithwir
Dynes ifanc wedi marw yng Ngŵyl Tonnau
Gweinidog yn agor estyniad Ysgol y Graig
