Mae trigolion Ynys Môn yn cael eu holi i rannu eu barn am fywyd ar yr ynys.
Mae'r cyngor sir wedi lansio arolwg newydd er mwyn rhoi cyfle i chi ddweud wrthym beth sy'n bwysig i chi yn eich ardal leol.
Dros y chwe wythnos nesaf, bydd yr arolwg yn gofyn i drigolion am eu barn ar bopeth o drafnidiaeth i dai a'r ffordd mae'r Cyngor Môn yn darparu ei wasanaethau.
Dwyeddod arweinydd y cyngor, Gary Pritchard: "Rydym yn dymuno clywed gan drigolion Ynys Môn. Bydd eich adborth yn ein cynorthwyo ni i ddeall beth sy'n gweithio a beth ellid ei wella."
"Mae'r arolwg 'Dewch i Siarad: Byw ar Ynys Môn' yn hawdd a chyflym – bydd ond yn cymryd ychydig funudau i'w lenwi."
"Bydd eich barn yn ein helpu ni i lunio gwasanaethau'r dyfodol ar Ynys Môn. O ysgolion i ganolfannau hamdden, bydd eich mewnbwn yn ein helpu ni i wneud penderfyniadau yn y dyfodol."
"Rydym yn dymuno clywed cynifer o leisiau â phosibl felly dywedwch wrth eich ffrindiau, eich teulu a'ch cymdogion am yr arolwg. Rydym eisiau clywed gan gymaint o bobl â phosibl."
Ychwanegodd llefarydd Cyngor Môn: "Gofynnir i chi hefyd am eich ardal leol a sut yr ydych chi'n teimlo am fyw yno; eich profiad o ddefnyddio gwasanaethau'r cyngor a p'un ai a ydych yn hapus â'r modd yr ydym yn eich diweddaru."
Mae’r arolwg wedi’i ddatblygu gan Data Cymru, sy’n gweithio gyda Chyngor Ynys Môn a’r Gymdeithas Llywodraeth Leol Cymru.
Carcharu pedwar dyn am delio cyffuriau
Trydydd croesfan Menai yn "hanfodol" - cyngor
Tonnau: agor cwest i farwolaeth dynes ifanc
Dyn yn yr ysbyty ar ôl gwrthdrawiad beic cwad
Carcharu deilwr cocên o Gaergybi
