Mae cyn-arweinydd ieuenctid wedi cael ei garcharu am 15 mlynedd am gam-drin rhywiol hanesyddol yn erbyn dau fachgen ifanc.
Plediodd Paul Vaughan o'r Rhyl, yn euog i 15 trosedd o’r 1980au cynnar, gan gynnwys sawl cyhuddiad o ymddygiad anweddus gyda phlentyn ac ymosodiad anweddus.
Clywodd Llys y Goron Caernarfon bod Vaughan, 76 oed, wedi cam-drin ei ddioddefwyr dro ar ôl tro, gan gynnwys mewn pabell yn Eryri ac mewn clwb hwylio yn y Bala.
Yn 2023, cafodd ei ddedfrydu i mwy na ddeng mlynedd yn y carchar am fwy o droseddau rhywiol hanesyddol yn dilyn achos gwahanol.
Yn dilyn y dedfrydu ddydd Mercher, disgrifiwyd Vaughan fel ''ysglyfaethwr rhywiol peryglus'' gan brif dditectif o Heddlu Gogledd Cymru.
Dyweddod y Ditectif Gwnstabl Andrew Vaughan, y swyddog ymcwhilio: "Mi ddefnyddiodd ei safle er mwyn cyflawni troseddau yn erbyn dioddefwyr oedd yn ymddiried ynddo fo fel unigolyn mewn awdurdod."
"Diolch i ddewrder y dioddefwyr blaenorol yn riportio’r cam-drin, mae rhagor o bobl wedi teimlo hyder i riportio’r digwyddiadau. Dedfryd heddiw ydy canlyniad hynny."
"Mi fuaswn i’n gofyn i unrhyw un sydd heb siarad efo ni’n barod i gysylltu efo ni, gan wybod y gwnawn ni wrando arnoch chi."
"Fel mae’r achos hwn yn dangos, mi wnawn ni bopeth posib er mwyn erlid troseddwyr a gwarchod y bobl mwyaf bregus yn ein cymdeithas."
Cyfrif terfynol tan Eisteddfod yr Urdd
Ymosodiad honedig yn dilyn gêm ddarbi pêl-droed
Bangor: cyhuddo dyn o fyrgleriaeth a herwgipio
Dirwy i berchennog ci am anwybyddu gwaharddiad
Archwiliad arall ar Bont y Borth
