Mae'r heddlu wedi atafaelu dau gerbyd a yrrwyd gan yr un dyn mewn tair diwrnod.
Fe wnaeth swyddogion ar batrôl atal cerbyd yn oriau mân fore Sadwrn diwethaf.
Datgelodd gwiriadau ei fod yn gyrru ar drwydded dros dro yn unig, a heb yswiriant. Cafodd ei arestio am yrru o dan ddylanwad sylwedd rheoledig chafodd y cerbyd ei atafaelu.
Ond ar ddydd Llun, yn dilyn gwybodaeth a oedd yn cysylltu’r un dyn ag ail gerbyd oedd yn cael ei yrru yng Nghricieth, aeth swyddogion i'r lleoliad a chynnal gwiriadau, gan arwain at atafelu'r ail gerbyd.
Mae Heddlu Gogledd Cymru yn aros am ganlyniadau’r prawf gwaed yn dilyn y digwyddiad cyntaf cyn gwneud penderfyniad ynghylch unrhyw gyhuddiadau.
Dyweddod llefarydd: "Byddwn yn parhau i dargedu unigolion sy'n peryglu defnyddwyr eraill y ffordd, ond mae angen eich help chi arnom hefyd."
"Os ydych yn ymwybodol o unrhyw un sy'n gyrru heb drwydded neu yswiriant priodol, neu y credwch eu bod yn gyrru o dan ddylanwad alcohol neu gyffuriau, rhowch wybod i ni."
Ymddeol crys rygbi i gofio Jack
Porthaethwy: cyhuddo dyn o werthu canabis
Llyfrgell Caernarfon yn symud dros dro
M-SParc yn sicrhau hwb ariannol yn y Gyllideb
Digwyddiad ysgol yn trafod niwed cyffuriau
