Mae beiciwr modur wedi marw yn dilyn gwrthdrawiad rhwng dau gerbyd ym Mynytho, ger Pwllheli.
Roedd yr B4113 ar gau am sawl awr ddydd Sadwrn yn dilyn y gwrthdrawiad rhwng car Volkswagen Polo coch a beic modur Yamaha du tua 3yp.
Yn ôl Heddlu Gogledd Cymru, bu farw dyn 67 oed yn y fan a'r lle "er gwaethaf ymdrechion gorau'r gwasanaethau brys".
Mae teulu'r beiciwr a chrwner Gogledd Orllewin Cymru wedi cael gwybod.
Dywedodd Ditectif Rhingyll Liam Morris o’r Uned Ymchwilio i Wrthdrawiadau Difrifol: “Hoffwn ddiolch i aelodau o’r cyhoedd a gynorthwyodd yn y fan a’r lle ar ôl y digwyddiad hwn."
"Rwy’n apelio ar unrhyw un a welodd y gwrthdrawiad ac sydd heb siarad â’r heddlu eisoes i ddod ymlaen."
"Hefyd, dylai unrhyw un sydd â ffilm dashcam a allai fod wedi dal y naill gerbyd neu’r llall cyn y gwrthdrawiad gysylltu â’r heddlu."
Os oes gennych unrhyw wybodaeth am y ddamwain, cysylltwch â Heddlu Gogledd Cymru ar 101 neu drwy'r sgwrs we fyw, gan ddyfynnu'r rhif cyfeirnod 26000326787.
Porthaethwy: enwi'r dyn a fu farw ar ôl tân mewn tŷ
Cyhoeddi Llywyddion Anrhydeddus Urdd 2026
Pont y Borth yn cau ar gyfer archwiliad
Papur pleidleisio sain ar gyfer etholiad y Senedd
Dathlu Wythnos Pontio’r Cenedlaethau Byd-eang
