Pwllheli: arestio dau mewn cyrch cyffuriau

Wednesday, 1 July 2026 at 12:33

By Ystafell Newyddion MônFM

Mae dau o bobl wedi cael eu harestio yn dilyn cyrch cyffuriau ym Mwllheli.

Cafodd yr heddlu hyd i swm amheus o gocên ac chanabis o gyfeiriad yn ardal Penrallt ddydd Llun 23 Mehefin, ynghyd â dros £1300 mewn arian parod.

Yn ôl Heddlu Gogledd Cymru, roedd pryderon cymunedol ynghylch cyflenwad cyffuriau yn yr ardal.

Cafodd dyn 46 oed a menyw 18 oed eu harestio ar amheuaeth o fod yn rhan o gyflenwi cyffuriau Dosbarth A a Dosbarth B a gwyngalchu arian.

Mae'r ddau wedi cael eu rhyddhau o dan ymchwiliad tra bod ymholiadau'n parhau.

Dwyeddod PC Cai Williams: "Mae delio cyffuriau yn bla ar ein cymunedau ac yn effeithio’n uniongyrchol ar y rhai sy’n byw ac yn gweithio yn yr ardal."

"Mae troseddwyr sy’n ymwneud â chyflenwi cyffuriau yn achosi niwed dinistriol i bobl agored i niwed er eu helw ariannol eu hunain."

"Rwy’n annog unrhyw un sydd â gwybodaeth am gyffuriau yn eu hardal i gysylltu â ni. Byddwn yn ymchwilio i unrhyw adroddiadau ac yn gweithredu’n gyflym i ddwyn troseddwyr gerbron y llys."