Mae'r heddlu'n ymchwilio i gyfres o achosion o ddwyn byrnau gwair o ardaloedd gwledig ar draws Ynys Môn, Sir Conwy a Wrecsam.

Mae Heddlu Gogledd Cymru yn dweud bod gwair a silwair yn nwyddau gwerthfawr ac mae troseddwyr yn aml yn targedu byndeli sydd wedi'u storio mewn caeau diarffordd neu mewn mannau lle mae mynediad hawdd i gerbydau.

Nid yw'n hysbys a oes cysylltiad rhwng y lladradau, ond yn ôl yr uned troseddau gwledig, gall lladrad achosi colled ariannol sylweddol ac amharu ar weithrediadau ffermio.

Mae ffermwyr a pherchnogion tir yn cael eu hatgoffa o gyngor ar atal troseddau, gan gynnwys:

• Storiwch fyrnau mor agos â phosibl at adeiladau neu iardiau fferm sydd yn cael eu defnyddio'n rheolaidd
• Sicrhewch fynedfeydd caeau gyda gatiau, cadwyni a chloeon o ansawdd da
• Cadwch gofnod cyfredol o nifer y byrnau a'u lleoliadau storio
• Ystyriwch ddefnyddio CCTV, camerâu cudd neu offer gwyliadwriaeth lle bo hynny'n ymarferol
• Cyfyngwch ar lwybrau mynediad a lleihau cyfleoedd i gerbydau a threlars fynd i gaeau heb gael eu sylwi
• Byddwch yn wyliadwrus o gerbydau anghyfarwydd, yn enwedig trelars gwastad neu beiriannau amaethyddol sy'n symud ar adegau anarferol
• Rhannwch wybodaeth gyda ffermwyr cyfagos ac aelodau cynlluniau Gwylio Ffermydd

Os ydych yn gweld gweithgarwch amheus neu ladrad ar y gweill, ffoniwch 999, neu ar gyfer adroddiadau nad ydynt yn argyfwng, cysylltwch â Heddlu Gogledd Cymru ar 101 neu drwy'r sgwrs we fyw.