Mae MônFM wedi derbyn tri enwebiad yng Ngwobrau Radio Cymunedol 2026.

Mae'r orsaf leol ar gyfer Ynys Môn a Gwynedd yn un o dair gorsaf radio cymunedol o Gymru sydd wedi cyrraedd y rhestr fer eleni.

Mae sioe brynhawn boblogaidd Zowie a Dai yn y categori ar gyfer Sioe Adloniant y Flwyddyn, tra bod Elfyn Pritchard wedi'i enwebu ar gyfer Gwirfoddolwr y Flwyddyn ac mae'r cyn-gyflwynydd Steffan Huw ar y rhestr fer ar gyfer categori Person Ifanc y Flwyddyn.

Yn ogystal, mae rhaglen arbennig ar etholiadau'r Senedd gan Rwydwaith Radio Cymunedol Cymru (WCRN) wedi'i henwebu ar gyfer gwobr Sylw Etholiadol a Gwleidyddol y Flwyddyn.

Cyhoeddir yr enillwyr mewn seremoni ddydd Sadwrn 24 Hydref yn Birmingham, lle bydd y gwobrau yn dathlu eu dengmlwyddiant.

Dyweddod Kev Bach, Rheolwr Rhaglenni MônFM: "Rwy'n falch o bob un o'n gwirfoddolwyr am y gwaith maen nhw'n ei wneud bob dydd dros ein gorsaf, ac am yr angerdd maen nhw'n ei roi i'r gwaith bob tro."

"Rwy'n arbennig o falch o'n gwirfoddolwyr sydd wedi cyrraedd y rhestr fer ar gyfer y gwobrau radio cenedlaethol mawreddog hyn."

"Mae'n eithaf teimladwy, mewn gwirionedd, bod yr enwebeion hyn yn cael eu cyhoeddi ar yr un diwrnod â'n lansiad ni o Wobrau Cymunedol MônFM, wrth i ni ddathlu ac anrhydeddu arwyr cymunedol ym Môn a Gwynedd."

Mae MonFM wedi ennill nifer o Wobrau Radio Cymunedol dros y blynyddoedd, gan gynnwys y Wobr Aur am ei ddarllediadau byw o Wyl Cefni y llynedd, ac anrhydedd ôl-farwol i'r cyn-gadeirydd Tony Wyn Jones, gan gydnabod ei waith yn y sector radio cymunedol yng Nghymru.

Yn ôl y trefnwyr, mae enwebeion eleni yn arddangos yr amrywiaeth o dalent, creadigrwydd ac ymroddiad sydd i'w cael ledled sector radio cymunedol y DU, yn amrywio o raglennu ac newyddiaduraeth arloesol i ymgysylltu â'r gymuned, hyfforddiant a gwirfoddoli.

Dyweddod Rebecca Steers, cadierydd y gwobrau: "Wrth i ni ddathlu degfed flwyddyn Gwobrau Radio Cymunedol, mae'n gyfle gwych i gydnabod y bobl a'r gorsafoedd sy'n gwneud radio cymunedol yn rym mor bwerus er daioni ledled y DU."

"Mae cael eich enwebu yn gyflawniad sylweddol ac yn adlewyrchu'r ymroddiad, y creadigrwydd a'r angerdd y mae gwirfoddolwyr, cyflwynwyr a thimau yn eu cyfrannu wrth wasanaethu eu cymunedau."

"Rydym yn falch o ddathlu eu llwyddiant ac yn edrych ymlaen at groesawu'r sector at ei gilydd ar gyfer y flwyddyn ben-blwydd arbennig hon."