Mae pedoffil o Fangor wedi cael ei garcharu am bymtheg mlynedd am gam-drin rhyw hanesyddol yn erbyn plentyn.
Cafwyd Timothy Jones yn euog o ymosod drwy dreiddiad, ymosod drwy gyffwrdd a chymryd rhan mewn gweithgaredd rhywiol efo geneth.
Yn Llys y Goron Caernarfon, cafodd y dyn 49 oed ei ddedfrydu hefyd i flwyddyn ar drwydded estynedig, yn dilyn ei gyfnod yn y carchar.
Mi dderbyniodd hefyd orchymyn atal niwed rhywiol sy'n para 25 mlynedd, ac mae'n rhaid iddo gofrestru fel troseddwr rhywiol am gyfnod amhenodol.
Dywedodd Detectif Rhingyll Geraint Jones o Heddlu Gogledd Cymru: "Mi fydd gweithrediadau ffiaidd Jones yn effeithio ar y dioddefwr am weddill ei hoes."
"Dwi'n gobeithio y bydd y ddedfryd hon o'r diwedd yn rhoi rhyw fath o derfyn boddhaol iddi, a'i chaniatáu i symud ymlaen efo'i bywyd."
"Mi fyddwn yn ymchwilio'n ddyfal bob amser wrth ymchwilio'r rhai sy'n ceisio gwneud niwed i aelodau mwyaf bregus ein cymdeithas. Mi anogir unrhyw un sydd wedi dioddef cam-drin rhywiol i ddod atom ni, gyda'r hyder y byddwn ni'n gwrando ac yn eu cefnogi."
Mesurau newydd i hybu ailgylchu ym Môn
Ysgol yn enwi datblygiad tai newydd ym Mangor
Ymestyn TaithCymru i Gaergybi
Dim treth twristiaeth ym Môn - am y tro
Carcharu dyn am boeri ar swyddogion heddlu
