Cafodd dau ddyn eu cludo i'r ysbyty yn dilyn gwrthdrawiad rhwng dau gerbyd ar yr A470 ger Trawsfynydd.
Mae'r heddlu'n apelio am dystion yn dilyn y gwrthdrawiad rhwng lori dipio Ford Fiesta wen a char Toyota Aygo llwyd wrth y gyffordd â'r A4212 toc wedi 6.40yb fore Mercher.
Cafodd un o'r gyrwyr ei gludo mewn ambiwlans i uned arbenigol yn Ysbyty Prifysgol Royal Stoke gydag anafiadau difrifol.
Cafodd yr ail yrrwr anafiadau mân, a chafodd ei gludo i Ysbyty Gwynedd ym Mangor.
Roedd y ffordd ar gau am dair awr cyn ailagor.
Dwyeddod y Rhingyll Gerallt Williams o Heddlu Gogledd Cymru: "Hoffwn apelio ar unrhyw un a allai fod wedi bod yn teithio yn yr ardal ddoe yn y bore, ac a allai fod wedi gweld y gwrthdrawiad neu wedi gweld un o'r cerbydau yn union cyn y gwrthdrawiad, i gysylltu â ni."
Os oes gennych unrhyw wybodaeth am y gwrthdrawiad, cysylltwch â'r Uned Plismona Ffyrdd ar 101 neu drwy'r sgwrs we fyw, gan dyfynnu'r rhif cyfeirnod O180227.
Y Bermo: cyhuddo dyn o ymosodiad mewn siop
Apêl Noson Tân Gwyllt – "dangoswch barch"
Agor cwest i farwolaeth Michael Ward
Cipolwg cyntaf ar 'Y Streic Fawr'
Ceisio barn ar wella teithio llesol
